沙田出現「粉紅聖誕後花園」！！！

各位注意，小編有一個好適合情侶去的好地方推介比大家，就係位於沙田的新城市廣場。吓！？可能你會問商場有咩好行？無錯，普通的商場當然無咩好行啦！但係呢個商場就特別在入面整左一個以粉紅色作主題的聖誕燈飾。小編去當日都已經有唔少情侶出現放閃！

當日小編大約晚上７點鐘到廣場。沿途未有太清晰的指示話比我地聽係邊到有後花園，對於甚少來這個廣場的小編的確係有少少唔方便。直到小編搭電梯上到廣場最頂層，即ＣＤ店個層，終於見到了後花園。小編起初以為任何一條路只要有門通往到就可以進去，但原來不是。廣場為了管制人流，特別整左一邊是入口，另一邊是出口。素食館個邊係出口，而另一邊食西式野既就係入口啦！

一入到去人龍真的好跨張－「打哂蛇餅」。個指示牌重講明輪侯時間為３０分鐘。一場來到，當然就只好等。話雖如此，但真實輪侯的時間只有大約１５分鐘，令小編都有少少覺得「好彩無走到」既感覺。

一入到去，眼前的花園被整片粉紅色的ＬＥＤ燈包圍，感覺真係相當浪漫！浪漫的氣氛除左有燈飾的配置外，當然唔少得一眾浪漫派的動物同建設啦！就等小編帶你逐個捉！

首先，一出場就係呢隻粉紅色的紅鶴，造型相當的討喜！但記得千期不要因一時的自私而坐上去！

之後見到既就係粉紅小鹿、同獨角馬！！！真係完全填滿了我的少女心！

哇哇哇，迷你版的熱氣球啊！！！重有超浪漫小橋。

擺明比情侶放閃的搖搖板，你眼望我眼，真係ｓｗｅｅｔ死人！

沿路行過，都見到好多好搶眼的粉紅花花同聖誕樹！！！

小編覺得設計者本身一定花左好多心思去諗有咩動物同東西是最能夠引起人共鳴，所以小編真心想比個叻佢！

最後緊係唔少得同大家介紹下來緊廣場的活動啦！

活動名稱：星光環「泡」粉紅樂園－泡泡許願泉

開放日期：２６／１１／２０１７－１／１／２０１８

開放時間：１７：００－２１：３０（星期一至星期五）

　　　　　１２：００－２１：３０（星期六、日及公眾假期）

留意！新城市ＶＩＰ　ＣＬＵＢ　會員憑３分即可參與泡泡許願，捉緊向願望球許願時光！　（星期一至五名額３６０個，星期六、日名額有７６０個。）